Chwilotwyr Cloddfa Corris | Gweld Manylion Atyniad
disgrifiad
Cyfle prin i archwilio hen chwarel lechi yng nghwmni un o Chwilotwyr Chwareli gorau Cymru. Dechreuwyd gweithio yn y chwarel gyntaf yn 1836 ac fe adawodd y chwarelwr olaf oddeutu 40 mlynedd yn ôl. Mae dros130 o flynyddoedd o hanes chwarelydda yno'n disgwyl amdanoch chi.
Mae fel petai'r chwarel newydd gau. Mae'r peiriannau, yr arfau, hyd yn oed y canhwyllau a phecyn o sigaréts yno o hyd fel y gadawodd y chwarelwyr nhw. Mae Chwilotwyr Chwareli Corris yn rhoi'r cyfle ichi ymweld â'r gwaith hwn a chamu i fywyd gwaith caled y chwarelwyr a chenedlaethau'r gorffennol.
Cewch ddewis un o dair taith:
Taith Blasu (1 awr) - addas i deuluoedd (9 oed o leiaf) a'r rheini sydd am gael taith fyrrach. Darperir offer: Golau llaw a helmed. Dewch i archwilio tywyllwch yr hen chwarel lechi a darganfod siambrau enfawr a'r peiriannau a'r arfau a adawyd yno. Dyma gyfle i flasu'r hyn sy'n digwydd ar y teithiau archwilio hwy.
Taith Chwilota'r Chwarel (2 awr) - mentrwch yn ddyfnach i'r chwarel adysgu rhagor am ei hanes cymdeithasol (11 oed o leiaf). Darperir offer: Helmed, lamp cap, gwregys lamp a chlipiau diogelwch. Bydd gofyn gwisgo'r offer diogelwch arbennig cyn mentro i'r siambrau llechi enfawr a adawodd y chwarelwyr ar eu hôl. Cewch ddarganfod offer, peiriannau ac olion eraill y chwarelwyr a adawyd yno a gweld sut y byddai'r peiriannau wedi gweithio. Cewch synnu wrth glywed hanesion bywyd y chwarel yn dod yn fyw yng ngeiriau'ch tywysydd.
Chwilota'r Chwarel - Hanner Diwrnod (4 awr) - Taith lle cewch chi archwilio, darganfod a mwynhau'r cyffro (13 oed o leiaf). Darperir offer: Helmed, lamp cap, gwregys lamp a chlipiau diogelwch. Bydd gofyn gwisgo offer diogelwch arbennig cyn archwilio gwahanol rannau'r chwarel, y siambrau a gloddiwyd a llaw a'r rheini a gloddiwyd â pheiriannau. Cewch ddarganfod hen offer, gweld sut y byddai hwnnw wedi cael ei ddefnyddio a rhoi cynnig arno'ch hun. Cewch ddarganfod hen arfau, canhwyllau ac olion eraill y chwarelwyr a adawyd ar ôl. Daw'r chwarel yn fyw wrth glywed hanesion difyr ei bwrlwm, a'i thrasiedïau. Cewch fynd i fwy na 10 o siambrau, siambrau na fydd pobl yn ymweld â hwy'n aml iawn.
Bydd y teithiau'n cychwyn yng Nghanolfan Grefftau Corris, yn y canolbarth. Ar agor drwy'r flwyddyn. Rhaid trefnu'r teithiau 2 awr a hanner ddiwrnod o flaen llaw.
Beth am gael golwg ar ein fideo?
cysylltu
Chwilotwyr Cloddfa Corris
Canolfan Grefftau Corris
Corris
Machynlleth
Powys
Ffôn: 01654 761244
prisiau
Nodyn: Taith Blasu (1 awr): Oedolion £10 - Plant (9-15 oed) £7 // Taith Chwilota'r Gwaith (2 awr): £16 // Taith Antur Hanner Diwrnod yn y Gwaith £32
Oriau Agor
Chwilotwyr Cloddfa Corris
1 Ionawr - 31 Rhagfyr
| Ll | Ma | Me | Ia | Gw | Sa | Su | |
|---|---|---|---|---|---|---|---|
| 10:00 - 17:00 |  | | | | | | |
Nodyn: Rhaid i'r rhai sy'n mynd ar y Daith Flasu 1 awr fod yn 9 oed o leiaf, ar yr Archwiliad 2 awr fod yn 11, ac ar gyfer y Daith Hanner diwrnod, rhaid bod yn 13 oed o leiaf. Rhaid i bob plentyn dan 18 oed fod yng nghwmni oedolyn cyfrifol.
categori
Rhan o: Hanesyddol, Teulu categori
Sut ydw i'n dod o hyd i Chwilotwyr Cloddfa Corris?
Mae Canolfan Grefftau Corris ar briffordd yr A487 rhwng Machynlleth a Dolgellau
Cludiant Cyhoeddus
Arosfan fysiau ar yr A487 y tu allan i Ganolfan Grefftau Corris. Gorsaf drenau ym Machynlleth - 5 milltir.
