Atyniadau Gogledd Cymru

disgrifiad

Un o'r cestyll a godwyd gan frenin Edward 1 o Loegr pan orchfygodd Cymru yw Castell Dinbych. Mae'n sefyll ar rimyn o graig uwchben tref fechan Dinbych. Mae'n debygol bod rhywun yn byw ar y safle yn y cyfnod Cristnogol cynnar, ac efallai fod caer Gymreig frodorol yno a'i bod yn cael ei defnyddio'n ganolfan frenhinol cyn dechrau codi'r castell cerrig sydd yno heddiw. Henry de Lacy, 3ydd Iarll Lincoln ddechreuodd godi'r castell presennol. Roedd y Brenin Edward wedi rhoi'r tir iddo'n fuan ar ôl trechu ein Llyw olaf yn 1282. Roedd cynllun gwreiddiol y castell yn cynnwys waliau llenni hirion gyda thyrrau hanner crwn yn ymwthio ohonynt ar batrwm anghyson, a dau borth. Y waliau gwreiddiol hyn yw waliau'r dref bellach. Gwahanwyd y castell presennol oddi wrth weddill y gaer pan godwyd set newyddach o waliau mwy byth yn yr un arddull â rhai Castell Caernarfon. Roedd y rheini'n cynnwys y porthdy unigryw sydd â thri thwr, ei nodwedd fwyaf trawiadol. Er nad oes tystiolaeth bendant i brofi hynny, mae'n gred gyffredinol mai'r pensaer a fu'n gyfrifol am y waliau hyn oedd Meistr Saer Maen y Brenin, y Meistr James o Saint George. Dywedir hefyd i'r "Ladi Wen" gael ei gweld yn y castell hwn.

cysylltu

Ffôn: 01745 813 385
Ffacs: 01824 708 258

E-Bost | Gwefan