Atyniadau Gogledd Cymru

disgrifiad

Mae'r amgueddfa'n brofiad gwych i'r teulu i gyd. Camwch yn ôl i'r gorffennol yng ngorsaf bad achub hynaf Cymru (oddeutu 1858) sy'n gartref i gasgliad rhyfeddol o arddangosion a'r rheini'n adrodd hanes morwrol rhyfeddol Caergybi, Ynys Môn. Cewch ddysgu ffeithiau syfrdanol am fywyd ar y môr yn y dyddiau fu, am sut y bu pobl yn byw ac yn marw ar eu cychod a hynny adeg rhyfel ac adeg heddwch. Cewch wybod am fferis modern yr oes hon â'u holl dechnoleg newydd wrth iddynt hwylio o Gaergybi i Iwerddon heddiw. Cewch ryfeddu at y modelau anhygoel, gweld rhai o arddangosion anhygoel o'r gorffennol, a chyffwrdd a theimlo'ch ffordd o gwmpas y llu o arddangosion rhyngweithiol. Mae'r amgueddfa'n hwylus i rywun sy'n defnyddio cadair olwyn ac mae toiledau ar gael. Mae Bistro'r Harbwr yn cynnig bwyty gwych dan do ac yn yr awyr agored a hwnnw'n edrych dros harbwr tlws Caergybi, lleoliad gwych i ymlacio a mwynhau pryd poeth neu oer blasus wedi ei baratoi'n ffres gan staff cyfeillgar. Mae'r fwydlen yn cynnig dewis helaeth, o damaid bach sydyn i bryd tri chwrs, o banad o de i botel o win. Rhowch gynnig ar ein cacennau cartref amheuthun.

cysylltu

Ffôn: 01407 764374
Ffacs: 01407 769 745

Gwefan