Atyniadau Gogledd Cymru

disgrifiad

Parc Gwledig trawiadol yw Moel Famau. Mae'r gweundir grug yn troi'n borffor yn yr Hydref ac mae'n gwrthgyferbynnu’n hyfryd â phorfeydd gleision Dyffryn Clwyd.

Mae'r Parc yn rhan bwysig o Ardal o Harddwch Naturiol Bryniau Clwyd. Mae'r grug yn cynnig bwyd a lloches i fywyd gwyllt, megis grugieir, crec penddu'r eithin a'r gylfinir
Gweddillion Twr y Jiwbili yw pwynt ucha'r Parc sef 554m (1818tr). Fe'i codwyd i goffáu Jiwbili Aur George III. Mewn storm yn 1862, cafodd yr heneb Eifftaidd drawiadol hon ei dymchwel gan adael dim ond y bôn sydd i'w weld yno heddiw.

Mae'r Parc yn ymestyn dros 2000 erw ac fe'i rheolir gan Wasanaeth Cefn Gwlad Sir Ddinbych. Mae'r gwasanaeth yn ceisio gwella'r gweundir grug, y waliau cerrig a'r llwybrau ac yn cynnig gwybodaeth a chyfleusterau i ymwelwyr. Menter Coedwigaeth sy'n rheoli'r Goedwig gyfagos drwy blannu conwydd cynaliadwy ar gyfer cynhyrchu pren ac i fod yn gyrchfan i ymwelwyr.

Beth am gael golwg ar ein fideo?

cysylltu

Ffôn: 01352 810 614

E-Bost | Gwefan